काठमाडौं । त्रिभुवन विश्वविद्यालयको उपकुलपतिका लागि आवेदन दिएका उम्मेदवारहरू विरूद्ध कुनै पनि उजुरी नपरेको पाइएको छ। संसदको शिक्षा समितिमा बोल्दै शिक्षा राज्यमन्त्री प्रमिला कुमारीले आवेदनकर्ताका विरुद्धमा कुनै पनि उजुरी नपरेको बताइन्।तथा, विभिन्न खालका विवादहरूको सन्दर्भमा राज्यमन्त्री कुमारीले उनीहरूका विरुद्धमा कुनै पनि उजुरी नपरेपछि सर्टलिष्टमा परेको बताइन्।
‘उहाँहरूले आवेदन दिनुभयो। आवेदन दिएपछि उहाँहरूका विरुद्धमा कुनै पनि उजुरी परेन । त्यसपछि समितिले सर्टलिष्टमा छनोटमा पर्नुभयो’ राज्यमन्त्री प्रमिलाले भनिन्। सर्टलिष्टमा परेका तीर्थ खनियामाथि बौद्धिक चोरीको आरोप लागेको थियो, र उनले समेत उपकुलपतिको लागि आवेदन दिएका थिए।
त्यस्तै हालका उपकुलपति प्राडा शिवलाल भुसाल समेत उपकुलपतिको लागि सर्टलिष्टमा परेका छन्। उनीमाथि सूचना लुकाएको आरोपमा राष्ट्रिय सूचना आयोगले ५ हजार रुपैयाँ जरिवाना गरेको थियो। समिति सदस्यहरूले उनी सर्ट लिस्टमा परेको विषयमा समेत प्रश्न गरेका थिए।
मेरिटको आधारमा उपकुलपति छनोट गर्न लागिएको दाबी गरेको भन्दै विभिन्न आरोप लागेको व्यक्तिले कसरी आवेदन पाउने मौका पाएको भन्दै उनीहरू|
